BORUSCI sive BORUSSI

BORUSCI, sive BORUSSI

Sarmatiae Europaeae populi. Ptol. Ob necem Adelberti a Bolessao I. ad tributum addacti, A. C. 1018. Quos olim Deos coluerint, exponit Erasmus Stella pene initio de Antiqq. Boruss. l. 1. Nulla eis sacra aliquandiu fuêre: tandem in eam deducti insaniam, ut serpentes ferasque et arbores, religiose colerent. Ubi quod de serpentibus habet, simile quid de Samogithis narrar, Sigismund. Liber Baro Herberstenius Comm. Rer. Moscov. de Lithuanis, Idem ibid. et Alex. Guagiunus Sarmat. Europ. de Calecutensibus, Iul. Caes. Scaliger Histor. Anim. l. 2. c. 18. sect. 123. et iam de Aegyptiis veteribus, Phylarchus Histor. l. 12. et ex ea Aelian. de Aumal. l. 17. c. 5. Vide Voss. de orig. et progr. Idolol. l. 4. c. 63. Horum regio Prussia in regno Polonico, contenta inter ostia Vistulae, et Memelli ad Caeciam 37. leuc. patens inter dicta ostia; Prutema etiam Latine dicitur.Prcussen et Prussen vulgo, in Regiam et Ducalem divisa, vide infra. Ovid. Trist. l. 4.El. 8. v. 41.

Vita procul patriâ peragenda sub axe Borusco est.

Ita Ferrarius. Tu vero lege, sub axe Borêo. alias divisa in 12 partes, dum Equitibus Tentonicis paruit: Nunc in duas Regiam nempe, quae Poloniae Regi subest, et Ducalem, quae Electori Brandeburgico. Provincia est admodum fertilis et rigua, inter mare Balticum ad Boream, Poloniam inferiorem Mazoviamque ad Meridiem, Lithuaniam ad Ortum, et Pomeraniam ad Occidentem. Vide Crucigeri et Prussia. Addo hîc, quod in latitudinem 50. in longitudinem vero 60. milliar. extenditur: ab Occasu Pomeraniâ, ab Austro Masoviâ, Lithuaniâ cum Samogitia ab Ortu, mari Balthicô a Septentrione terminata. Claret supra in odum illustrium urbium, oppidoium arciumque frequentiâ, opibus incolarum ac terrae ubertate, pecoris insuper omnigeni inaestimabili copia, ut et piscationibus, venationibus, ac silvis fructuosissimis, sed metallolorum minus ferax est. Merces, quas e Polonia, Russia et Lithuania accipit maximô suô commodô, traus mare mittit, et vicissim in Poloniam importat, quidquid Europa universa ac India gignit, omnia fere, a transmarinis mercatoribus, accipiens. Succinum speciale eius donum est, quod nullum mare, praeter Balthicum ferre dicitur. Tenuerunt hanc regionem diu, olim Equites Teutonici: quô nomine cum lites alere cum Poloniae Regibus cogerentur, tandem cladibus aliquot fracti Casimiro Sigilmundi 1. parenti, fidem dedêre. Sed cum Albertus Brandeburg. Sigismundi ex sorore nepos ac Ordinis Magister Antecessorum iureiurandô Aare nollet, novo bello implicitus, a Caesare auxilia frustra exspectavit: Hinc sibi pace cum Avunculo contractâ consulendi occasionem sumpsit, quae hâc lege inita est, ut ex Ordinis Magistro, a Poloniae Rege, cuius clientelae se submiserat, Botussiae Dux crearetur, partemque illam, quae Ducalis hinc dicta, in feudum ab co acciperet: Quô iure Elector hodiernus Brandeburgicus transactione Welaviensi absolutus est, supremô in Borussiam Ducalem iure obtentô, A. C. 1657. Regia tribus Satrapiis distincta est, Culmensi, cuius caput Culma et in qua Thorunium: Mariaeburgensi, cuius caput urbs est cognominis, et in qua Elbinga: ac Varmiensi, in qua Heilsberga et Brunsberga. Vide Auctorem Anonymum Hist. Orbis Terr. Geogr. ac Civ.

Urbes illius clariores sunt:

In Prussia Regiu. Gedanum, Dantzik. Mariaeburgum, Marienburg. Elbinga, Elbing. Torunia, Thorn. Conitza, Komtz. In Prussia Ducali. Regiomons, Konigsberg. Memelia, Memel. Braunsberga, Braunsberg. Brandeburgum, Brandeburg.